有时想想观世音菩萨真系好慈悲，坐在寺庙中堂，默默地、无偿地，被人叫「契娘」，「三牲酒醴，实时上契」。
那些契仔契女真厉害啦！菩萨每日收咁多契仔契女，年中，工作繁忙从各地赶来的契仔契女都一定回来探一次契妈，以为他们好孝顺啦，点知一年回来只是一次，还人人问契妈攞钱，好在契妈开库存量丰厚。
一年一次民间所谓的观音开库，问菩萨借钱，大家又听过未？
你有冇打算都去借番一千几百万呀？最吸引一样嘢就系免息贷款呀！
我曾经去过一次凑热闹。
咁你有冇借呀？
人人攞住那些香好似大炮咁大碌烟到眼都睁唔开，真系服晒佢哋；就连借据都睇唔到啦，仲要小心俾香炮烧嚫，借罗庚咩！
那些卖香阿伯好有智慧，个个都戴住个潜水镜。下次不如我去卖香好过,净赚香钱都够啰！