自学佛以来，听过、接触过唔少观音、济公、关帝、齐天大圣、妈祖、吕祖……等等的仙佛菩萨；但可惜全部都喺假冒的膺品，冇一个真。
最近又听到一位学佛数年的师姊话观音上佢身，观音菩萨对佢讲话上天派佢落来要整顿佛法，现在好多佛经都错，叫人唔好太信佛经，还点名边个边个出家人道行唔够佢高，因为那些出家人双眼见唔到佛菩萨，亦话可同人开眼睇嘢，还主张烧大量金银衣纸之类来超幽等等。
想起今日正法衰败，实在好心痛！
我冇能力控制那些冒牌货唔上人身，我只可以在此讲多几句说话。各位信佛师兄师姊，凡上身你一定唔好信，绝大部份都假冒；我在此至诚相劝，唔好比邪灵利用身体，唔需要再分真假，用时间去试探，一切当假就可以了。
咁真喺边度？「真就喺我心里面，真就喺佛经里头。」点解唔好再去分真假？因为一分你就会惹上麻烦，恐怕你会受骗诱而终身难以自拔。
那些上人身的灵有道行，比我们修为会高，只是祂们不一定走正道。祂们是有福德的灵鬼，但福力又唔够上天，亦唔够资格受帝释策封做人间地祗；唔上唔落，附人身玩或预言吉凶祸福，唔出奇。
有妖物幻化人间，动物精灵、山精、树精、水怪、木石成精，长年吸收天地及太阳太阴精华，可以幻化人形及附身，以妖力支配凡人心，讲东讲西，讲你前生后世，预言你来日祸福，好多会讲中，讲中，你就一定会信啦！
更厉害有魔级人马，若被附身，咁就大件事。因为这些魔子魔孙有天人神通，唔讲得笑，就算念佛咒佢都唔会怕，点解？
因为我哋凡夫念，力水唔够，佢已经听惯。佛陀当日肉身在世，天魔竟敢当面叫佛陀早日涅槃，
你试想想？我哋三脚猫功夫，佢点会怕？
天魔修行阅历，以劫为单位计，好多大场面佢都见过晒，定过炸弹，又点会怕？我哋唯一就只可仗佛力加庇消去魔业魔缘，时时多做忏悔。
谨记，将「上身」两字从此由识田中抹掉，谢谢！
冒充佛菩萨仙圣，犯大妄语，其果严重，必堕大地狱受苦；若跟随者，亦相牵入大火坑。
附身一般有以下所说数种情况：
甲．确实被附或外在灵界所扰。
乙．个人大妄语，着己内在心魔。
丙．甲及乙的结合。
丁．医学上的精神失常。
戊．甲及丁的结合。