你有问题冇地方问，的确好惨；问题得唔到解决，个心郁住郁住。但系如果你问错人，就仲麻烦；可能知道答案后仲会百上加斤添呀！点解？
原因个答案系流个啰！
你去左问右问，东问西问，最后得个吉；
咁多答案，都唔知信边个？
搅到个心乱晒，咁就大只镬啦！
总之你皈依咗之后，就唔去问人术数；叫人用神通睇乜睇乜，唔啱架。
而家咁多骗子搵饭食，妖魔鬼怪附身又多到震，表面好似帮你，实情想搵你着数，而且答案流嘅多。
你信，你正蠢才！
搵你咩着数？贪功德啰！
你俾钱佢有咩用？都驶唔到，佢地灵界要功德呀，知唔知？
小心呀！唔驶俾钱都未必一定系好架。
大家现在都未修成真正嘅法眼，点识分真假正邪丫？
所以叫你一定要依正法行事唔好依人啰。咩叫「但行好事，莫问前程？」你消唔消化呀呢句？
多念经，多拜忏，多放生，多助人，一切自有佛菩萨安排。
千祈唔好病急乱投医，到时害到系你自己呀！