韦陀菩萨系寺门口一个守门将军，梗唔系，错呀！唔系又系咩呀？经书中我揾过好少有佢嘅数据及事迹，可以叫做几乎无，唔信你自己去揾下？我揾过啦，比你揾得仲彻底，梗系有。
咁你话我知边一本经书有叻？
你真蠢，话明叫韦陀菩萨，梗系去揾「韦陀经」啦！
哗！咁你都得？
「韦陀经」我够知啦，系婆罗门教嘅经典，又边系佛经呀！
唉！师兄呀！写明叫佛经都未必一定系真正佛经，我地够叫做人啦，但系好多人嘅行为操守都唔似一个人啰。
佛经无话有字凿明一定只系释迦牟尼佛所讲，韦陀菩萨讲唔得咩？佛陀又无话其它教派唔可以有佛菩萨嘅存在。
所以任何讲述宇宙人生究竟真理嘅结集都可以叫做佛经；任何可修证宇宙人生究竟真理圆满嘅众生都可以叫做佛陀。
咁样，「韦陀经」都讲部份佛理又有咩出奇呀师兄！