「又讲寒山拾得呀！」之唔系，迟些可能出书添，问你怕未？
「从来是拾得，不是偶然称；别无亲眷属，寒山是我兄。两人心相似，谁能徇俗情；若问年多少，黄河几度清。」
我从来就叫做拾得，呢个名唔系乱叫，唔「拾」又点会「得」呢？
我冇屋企人，我当寒山我哥哥！我地兄弟俩个人心好相似，唔钟意讲世俗，亦唔钟意随波逐流；想盘我俩兄弟几岁？我问你黄河清几次啦！？
咁又系，相传黄河一千年清一次，要知几岁？大约估到，无六万都有五万！
但想起以前睇吴道子幅寒山拾得画，两人不修边幅，头发蓬松，一件破衲，但笑口常开，觉得个样仲好后生添。
哗！原来俩兄弟已经几万岁有多，修行真「冧巴温」！无人可以问难佢世俗事，但亦唔讲俗事，全部明白了解都唔讲一句，口德好劲呀！