玉兔正当头，你看姮娥舒广袖呀！
人间清月夜 ，广寒宫阙散温柔。
梦到水云乡， 风动竹帘吹嫩柳；
虽是博学经纶，又有几人参透！
霁月高悬，不觉时已初更；适才梦到瑶宫，宝殿通明，玉女调筝，
仙姬漫舞，何其逍遥自在！
正是：「不还天上仙神侣，相逢拂袖透清幽。」呀！
彦如兄！
啊！德泉兄！咩你都未瞓呀？
啊！我瞓唔着，出来行吓啫。
喺呢彦如兄，咁你做咩都未瞓呀？
啊！我本应瞓咗架嘞！因为头先发梦去咗天宫，后来风吹竹响，我醒咗啫！
啊！原来喺咁！
喺呢彦如兄，今次赴试秋闱，你有冇把握咁呀？
德泉兄，我虽未可说成竹在胸，但都运筹有数呀！
啊！咁就好嘞！咁我先祝你：「蟾宫折桂，独占鳌头！」
「十载寒窗经苦读，簪花上苑第一流；
他朝朱紫立当朝，得报亲恩愿拜皇天佑呀呀！」
德泉兄，今日我路过竹园，见有一丫环小姐，素手携锋，刻树题红，我暗藏树后观看，想箇中必有玄机，不如我哋：「信步园中去，一探甚因由。」
好呀！咁我哋行嘞！
…………………………………………………………
噫！边棵竹树先喺呢？
彦如兄！喺呢棵呀？
啊！德泉兄，你真喺好眼嘞！
有字喎，彦如兄！
啊！喺呀！喺呀！
梗喺今日丫环姐刻上去架嘞，睇吓佢写咩先至得？
「身如玉鸟被笼囚，欲到天涯泪不收；
梨花飘泊魂无主，竹底埋香………
唉吔…………………
恨未休呀!!!」
唉！
「篆迹文踪露因由，竹树暗埋娇翠袖！疑是脂红题柳叶，却原是芳冢雾烟浮。叹一句香销玉殒人，悼一语魂离新鬼后，愿图他日破阴谋，冰释冤仇疗故旧。」
彦如兄！唔好多管闲事嘞，我哋都喺走吧啦！
夜嘞！行啦………………………
唔得！我一定要查明真相先至得…………………